ജാതിമത രാഷ്ട്രീയ അതിർവരമ്പുകൾക്കപ്പുറം ഓരോ മലയാളിയുടെയും ഹൃദയമിടിപ്പാണ് ഓണം. ഉള്ളവനും ഇല്ലാത്തവനും തമ്മിൽ വേർതിരിവുകളില്ലാതെ, മനുഷ്യരെല്ലാം ഒരേ മനസ്സോടെ ഒന്നിച്ചിരുന്ന ഒരു പൊൻകാലത്തിന്റെ മനോഹരമായ ഓർമ്മപ്പെടുത്തൽ..
കേവലം ആഘോഷങ്ങളുടെ ബാഹ്യാഡംബരങ്ങളല്ല ഓണം; മറിച്ച് പങ്കുവെക്കലിന്റെയും, കരുതലിന്റെയും, സഹജീവിസ്നേഹത്തിന്റെയും വലിയൊരു സന്ദേശമാണത്.
മഹാബലി തമ്പുരാനെ നാടുകടത്തിയതുപോലെ, നമ്മുടെ മനസ്സിലുള്ള അസൂയയും വെറുപ്പും സ്വാർത്ഥതയും എന്നെന്നേക്കുമായി നാടുകടത്താൻ ഈ ഓണനാളിൽ നമുക്ക് സാധിക്കട്ടെ. നമ്മൾ പങ്കുവെക്കുന്ന ഓരോ ചെറുപുഞ്ചിരിയിലും, മറ്റുള്ളവർക്കായി നീട്ടുന്ന സഹായഹസ്തങ്ങളിലുമാണ് ഓണത്തിന്റെ യഥാർത്ഥ മാഹാത്മ്യം കുടികൊള്ളുന്നത്.
മാവേലിയെ പാതാളത്തിലേക്ക് ചവിട്ടിത്താഴ്ത്താൻ ശ്രമിച്ചതുപോലെ, നമ്മെ തളർത്താൻ ജീവിതത്തിൽ പല പ്രതിസന്ധികളും വന്നേക്കാം. എന്നാൽ ഒരേ മനസ്സോടെ കൈകോർത്തു നിന്നാൽ ഏത് പ്രതിസന്ധിയെയും പുഞ്ചിരിയോടെ അതിജീവിക്കാൻ നമുക്ക് കഴിയും.
ഐക്യത്തിന്റെയും സ്നേഹത്തിന്റെയും പങ്കുവെക്കലിന്റെയും നന്മ പൂക്കുന്ന ഈ തിരുവോണ നാളിൽ, എല്ലാവർക്കും വാർത്തകൾ ചാനലിന്റെ ഹൃദയം നിറഞ്ഞ തിരുവോണാശംസകൾ! ❤️
