മലയാളികളെ പതിറ്റാണ്ടുകളോളം ചിരിപ്പിക്കുകയും കരയിപ്പിക്കുകയും ചെയ്ത പ്രിയ നടൻ സലിം കുമാർ (56) ഓർമ്മയായിരിക്കുന്നു. കൊച്ചിയിലെ സ്വകാര്യ ആശുപത്രിയിൽ വെച്ചായിരുന്നു അദ്ദേഹത്തിന്റെ അന്ത്യം.
ആരോഗ്യനില വഷളായതിനെ തുടര്ന്ന് ശനിയാഴ്ച രാവിലെയാണ് അമൃത ആശുപത്രിയില് പ്രവേശിപ്പിച്ചത്. എറണാകുളം ചിറ്റാറ്റുകരയില് ഗംഗാധരന്റെയും കൗസല്യയുടെയും മകനായി 1969 ഒക്ടോബര് 10 നായിരുന്നു ജനനം. പേരു കേട്ടാല് മതം തിരിച്ചറിയേണ്ട എന്നു കരുതി അച്ഛന് ഇട്ട പേരാണു സലിം. സ്കൂളില് ചെന്നപ്പോള് അധ്യാപിക നിര്ബന്ധിച്ചാണു കുമാര് എന്നു കൂടി ചേര്ത്തു സലിംകുമാര് ആക്കിയത്. മാല്യങ്കര എസ്എന്എം കോളജിലായിരുന്നു പ്രീഡിഗ്രി വിദ്യാഭ്യാസം. സിനിമാനടന് ആകണം എന്ന മോഹം സഫലമാക്കാന് ഡിഗ്രിക്കു മഹാരാജാസ് കോളജില് ചേര്ന്നു. സ്കൂള് കാലഘട്ടത്തില് മിമിക്രി അവതരിപ്പിച്ചു തുടങ്ങിയെങ്കിലും കോളജില് പഠിക്കുമ്പോഴാണു മത്സരങ്ങളില് പങ്കെടുത്തത്. കലോത്സവങ്ങള്, എറണാകുളത്തെ സുഹൃത്തുക്കള് എന്നിവ സിനിമയില് എത്താനുള്ള വഴിയായി കണ്ട സലിംകുമാര്, എംജി യൂണിവേഴ്സിറ്റി കലോത്സവത്തില് 3 തവണ തുടര്ച്ചയായി ഒന്നാം സ്ഥാനം കിട്ടി. കൊച്ചിന് കലാഭവന്, സാഗര് തുടങ്ങിയ ട്രൂപ്പുകളിലൂടെ വേദികളിലും സജീവമായി.
ആദാമിന്റെ മകന് അബു എന്ന ചിത്രത്തിലൂടെ 2010 ല് മികച്ച നടനുള്ള ദേശീയ, സംസ്ഥാന പുരസ്കാരങ്ങള്ക്ക് അര്ഹനായി. അച്ഛനുറങ്ങാത്ത വീട് എന്ന സിനിമയിലെ പ്രകടനത്തിന് 2005 ലെ മികച്ച രണ്ടാമത്തെ നടനുള്ള സംസ്ഥാന പുരസ്കാരം ലഭിച്ചു. അയാളും ഞാനും തമ്മില് എന്ന ചിത്രത്തിലൂടെ 2013 ല് മികച്ച ഹാസ്യനടനുള്ള സംസ്ഥാന പുരസ്കാരം നേടി. കറുത്ത ജൂതന് എന്ന ചിത്രത്തിലൂടെ മികച്ച കഥാകൃത്തിനുള്ള 2016 ലെ സംസ്ഥാന പുരസ്കാരത്തിന് അര്ഹനായി. 2013 ല് മികച്ച നടനുള്ള സംസ്ഥാന ടെലിവിഷന് അവാര്ഡ് കരസ്ഥമാക്കി.
