കൊച്ചി: കളമശ്ശേരിയിൽ പ്രാർഥനക്കിടെയുണ്ടായ ബോംബ് സ്പോടനത്തിൽ ഒരു സ്ത്രീ മരിച്ചു. 36 പേർക്ക് പരുക്ക് 5 പേരുടെ നില ഗുരുതരം. നിർഭാഗ്യകരം എന്ന് മുഖ്യമന്ത്രി. കേന്ദ്ര ആഭ്യന്തര മന്ത്രി അമിത് ഷാ മുഖ്യമന്ത്രിയെ വിളിച്ച് സംസാരിച്ചു. IED മോഡലിലുള്ള ബോബു സ്പോടനം.
സമൂഹമാധ്യമങ്ങളിൽ പ്രകോപനപരമായ പ്രസ്താവനങ്ങൾ നടത്തുന്നവർക്കെതിരെ കർശനമായ നടപടി സ്വീകരിക്കുമെന്ന് പോലീസ് അറിയിച്ചു.
കളമശ്ശേരി സ്ഫോടനത്തിന് പിന്നിൽ ഡൊമിനിക് മാർട്ടിൻ തന്നെയെന്ന് സ്ഥിരീകരിച്ച് പൊലീസ്. സിസിടിവി ദൃശ്യങ്ങൾ പരിശോധിച്ചാണ് സ്ഥിരീകരണം.ഇന്റര്നെറ്റ് മുഖേനയാണ് ഇയാള് ഐഇഡി സ്ഫോടനം പഠിച്ചത്. സ്ഫോടനം നടത്തിയത് താനാണെന്ന് അവകാശപ്പെട്ട് എറണാകുളം തമ്മനം സ്വദേശി ഡൊമിനിക് മാര്ട്ടിന് നേരത്തെ കൊടകര പൊലീസില് കീഴടങ്ങിയിരുന്നു. തുടര്ന്ന് ഇയാളെ വിശദമായി ചോദ്യം ചെയ്തതിനുശേഷമാണ് ഡൊമിനിക് മാര്ട്ടിന് തന്നെയാണ് പ്രതിയെന്ന് സ്ഥിരീകരിച്ചത്. ഇയാള് നല്കിയ തെളിവുകള് ഉള്പ്പെടെ പരിശോധിച്ചശേഷമാണ് ഉന്നത ഉദ്യോഗസ്ഥര് തന്നെ പ്രതി ഡൊമിനിക് മാര്ട്ടിനാണെന്ന് സ്ഥിരീകരിച്ചത്. ഡൊമിനിക് മാര്ട്ടിന്റെ വെളിപ്പെടുത്തല് ശരിയാണെന്ന് പൊലീസ് അന്വേഷണത്തില് ബോധ്യപ്പെടുകയായിരുന്നു. സ്ഫോടനം നടത്തിയത് യഹോവ സാക്ഷികളോടുള്ള എതിര്പ്പുമൂലമാണെന്നും 16 വര്ഷമായി യഹോവ സാക്ഷികളില് അംഗമാണെന്നും ഡൊമിനിക് അവകാശപ്പെട്ടിരുന്നു. യഹോവ സാക്ഷികളോടുള്ള എതിര്പ്പ് മൂലമാണ് സ്ഫോടനം നടത്തിയതെന്നും അന്വേഷണത്തില് വ്യക്തമായതായാണ് വിവരം. ഇയാള്ക്ക് മറ്റാരുടെയെങ്കിലും സഹായം ലഭിച്ചിട്ടുണ്ടെയെന്ന കാര്യങ്ങള് ഉള്പ്പെടെ പൊലീസ് പരിശോധിച്ചുവരുകയാണ്.
കളമശ്ശേരിയിലെ സ്ഫോടനം നടത്തിയത് താനാണെന്ന് അവകാശപ്പെട്ട് തൃശ്ശൂര് കൊടകര പൊലീസ് സ്റ്റേഷനില് കീഴടങ്ങിയ എറണാകുളം തമ്മനം സ്വദേശിയായ ഡൊമിനിക് മാര്ട്ടിന്റെ വീഡിയോ സന്ദേശവും നേരത്തെ പുറത്തുവന്നിരുന്നു. കീഴടങ്ങുന്നതിന് മുമ്പ് ഫേയ്സ്ബുക്ക് പേജിലിട്ട ലൈവിലാണ് സ്ഫോടനത്തിന്റെ ഉത്തരവാദിത്വം ഏറ്റെടുത്തുകൊണ്ട് ഡൊമിനിക് മാര്ട്ടിന് വെളിപ്പെടുത്തല് നടത്തിയിരിക്കുന്നത്. മൂന്നു മണിക്കൂര് മുമ്പാണ് ഡൊമിനിക് മാര്ട്ടിന് ഫേയ്സ്ബുക്കില് ലൈവ് വീഡിയോ ചെയ്തിരിക്കുന്നത്.
കളമശേരി സ്ഫോടനം നടത്തിയയാൾ ഉപയോഗിച്ചെന്ന് സംശയിച്ചിരുന്ന നീലക്കാർ മാർട്ടിന്റേതല്ല. സിസിടിവിയിൽ കണ്ട കാർ ഡൊമിനിക് മാർട്ടിന്റേതല്ല. ഇയാൾ കൺവെൻഷൻ സെന്ററിൽ എത്തിയത് സ്കൂട്ടറിലാണ്. കീഴടങ്ങാൻ പോലീസ് സ്റ്റേഷനിൽ എത്തിയതും ഇതേ സ്കൂട്ടറിലാണ്. സ്ഫോടന സമയത്ത് ഡൊമിനിക് മാർട്ടിൻ പ്രാർത്ഥന ഹാളിലുണ്ടായിരുന്നു.
