മാള: മാള ഹോളി ഗ്രേസ് കോളേജിൽ വിദ്യാർത്ഥികൾക്ക് കുത്തേറ്റു. കോളേജിലെ പെൺകുട്ടിക്കും സഹവിദ്യാർത്ഥിക്കുമാണ് ആക്രമണത്തിൽ പരുക്കേറ്റത്. പരുക്കേറ്റ തട്ടാറയിൽ ആൽഫിൻ (18), ആര്യ (17) എന്നിവരെ ഗുരുതര പരുക്കുകളോടെ മാള ഗുരുധർമ്മ ആശുപത്രിയിൽ പ്രവേശിപ്പിച്ചു.
സംഭവവുമായി ബന്ധപ്പെട്ട് പാടക്കടവ് ചിറപ്പത്ത് നിരഞ്ജൻ (28) എന്നയാളെ മാള പോലീസ് കസ്റ്റഡിയിലെടുത്തു. ഇയാൾ കോളേജിൽ അതിക്രമിച്ച് കയറിയാണ് ആക്രമണം നടത്തിയത്. സംഭവത്തിൽ പോലീസ് കൂടുതൽ അന്വേഷണം നടത്തിവരികയാണ്.
മാള ഹോളി ഗ്രേസ് കോളേജിൽ കുത്തുക്കേസ്: വിദ്യാർത്ഥികൾക്ക് പരുക്ക്, പ്രതി കസ്റ്റഡിയിൽ
